Un k andaz-e-karam, un pe wo ana dil ka
hy wo waqt, wo baatein, wo zamana dil ka,
koi nae baat nahin hai, husn pe ana dil
masghala hai ye, nahyat he purana dil ka,
wo mohabat ki shuruaat, wo bypanah khushi
wo dekh k un ko , phooly na samana dil ka,
na suna us ny tawja sy fansana dil ka
zindagi guzari par dard na jana dil ka,
dil-lagi dil ki lagi ban k mita deti hai
rog dushman ko bhi ya Rab na lagana dil ka,
hasratein khaak hoi, mar gaye armaan saray
lut gaya koocha-e-jana mein khazana dil ka,
wo bhi apny na hoye dil bhi gaya haathon sy
esy anay sy to behtar tha na ana dil ka,
un ki mehfil mein 'Naseer', un k tabasum ki qasam
dekhtay reh gaye ham haath sy jana dil ka...!!!
Subscribe to:
Post Comments (Atom)
No comments:
Post a Comment