Kon se dukh ki karein baat zara yeh to bata

Kon se dukh ki karein baat zara yeh to bata

Mosmoon , sard hawaoon ki masihai ka dukh

Rah ki dhool main bikhri hui benaai ka dukh

Sang k shaher main khud se shanasai ka dukh

Ya beegi barsaat main tanhai ka dukh

Kon se dukh ki karein baat, yeh dil ka derya

Itni tughyaani ki zad per hai keh kuch yaad nahin

Kab hamain bhool gya, kon se harjai ka dukh

Tum to bas aik hi dukh pochtay ho...!!!!

pyaas vo dil kii bujhaane kabhi aya bhi nahin

pyaas vo dil kii bujhaane kabhi aya bhi nahin
kaisaa baadal hai jisaka koi saya bhi nahin

by-ruKhi es se bari aur bhala kia hogi
ek muddat se hamein us ne sataya bhi nahin

roz ata hai dar-e-dil pe vo dastak dene
aaj tak hamane jise paas bulayaa bhi nahin

sun liya kaise Khuda jane zamane bhar ne
vo fasana jo kabhi ham ne sunayaa bhi nahin

tum to shair ho ‘Qateel’ aur vo ik aam sa shaKhs
us ne chaha bhi tujhe aur jatayaa bhi nahin...

Baaton baaton mian bicharney ka ishara karkey

Baaton baaton mian bicharney ka ishara karkey
Khud bhi roya woh buhat ham se kinara karkey

Sochta rehta hoon tanhai main anjam-e-khuloos
Phir usi jurm-e-mohabbat ko dobara karkey

Jagmaga di hain terey shehrer ki galiyan main ne
Apney askhon ko palkon pe sitara karkey

Dekh letey hain chalo hosla apne dil ka
Aur kuch roz tere saath guzara karkey

Aik hi sheher main rehna hai magar milna nahi
Dekhtey hain yeh aziyat bhi gawara karkey

kitni mushkil se kati kal ki meri raat na pooch

kitni mushkil se kati kal ki meri raat na pooch
dil se nikli hui honton me dabi baat na pooch

wo kis adaa se merey saamnay se guzraa abhi
kis tarha mainay sambhaley merey jazbaat na pooch

waqat jo badley to insaan badal jaatey hain
kya nahi dikhlaatey yeh gardish-e-halaat na pooch

wo kisi ka ho bhi gaya or mujhey khabar na hui
kis tarhan usney chudaya hai mujh se haath na pooch

Is tarhan pal mein mujhay begana kar diya usnay
Kis tarhan apno se khaai hai mainey maat na pooch

ab tera pyaar nahi hai to sanam kuch bhi nahi
kitni mushkil se bani thi dil ki kayenaat na pooch

Khamosh lehje mere hamdam kabhi bola nahin kertay

Khamosh lehje mere hamdam kabhi bola nahin kertay,
Dard-o-gham ko her kisi k samnay khola nahin kertay,

Mohabbat to mohabbat hai,Bari anmol hoti hai,
Mohabbat ko tarazu main kabhi tola nahin kertay,

Mere khamosh rehne per koi ilzam mat dena,
Samandar to samandar hai, kabhi bola nahin kertay,

muje zabt pe garoor tha mere ansou ne wafaa na ki

muje zabt pe garoor tha mere ansou ne wafaa na ki
mere raaz us per ayaan hue ye meri ankh se tapak gay
muje chor de ya samabal le meri laaj uske haath main hai
muje aitrafe shikist hai mare paon rah main thak gay...

Mujhey tanha tanha rahnay do,

Mujhey tanha tanha rahnay do,
Mujey apnay ap main rahnay do,
En logon sy ab dar lagta hai,
Na kisi bat main mera man lagta hai,
Mujhey yad main us ki kahnay do,
Mujhey tanha tanha rahnay do,
Main ro ro kr jab gir jaoon,
Mujhey chup na krao sahnay do,
Mujhey khud sy baghi rahnay do,
Mujhey tanha tanha rahnay do,
Ay Raat bta mera chand mila?
Koi tujh pay bhi ilzaam laga?
Mujhey raat ko raat hi kahnay do,
Mujhey tanha tanha rahnay do

Ajnabi si rahoon ka Ajnabi musafir ik

Ajnabi si rahoon ka
Ajnabi musafir ik

Mujh say poch baitha hai
Raasta bata doo gay?

Ajnabi say rahoon kay
Ajnabi musafir sunn...

Raasta koi bhi ho
Waasta koi bhi ho

Manzilain nahi milti
Manzilain tu dhoka hain

Manzilain ju mil jaayen
Justaju nahi rahti

Zindagi ko jenay ki
Aarzoo nahi rahti

ByKhuloos Logon Se Ijtenaab karna hai,

ByKhuloos Logon Se Ijtenaab karna hai,
Mujh Ko Apney Rishton Ka Ehtasaab Karna Hai,
Us Ko Bhool Jaana Hai,
Us Ko Yaad Rakhna Hai,
Dukh To Eik Jaisa Hai,
Intekhab Karna Hai...............

Dukh Wo Hai Jo Ander Se Lahu Kerde Hamara Dil...

Dukh Wo Hai Jo Ander Se Lahu Kerde Hamara Dil...
Hum Wo Ke Pighal Ker Bhi Ansoo Nikalne Na De...
Ager Waqt Ke Marham Ka Darma'n Na Mile Koi...
Kuch Hadse Insaan Ko Barso Sambhalne Na De..

Us ne kaha tum mein

Us ne kaha tum mein
ub pehli si baat nehi,

Me ne kaha ab zindagi mein
tera saath nehi,

Us ne kaha ab b kisi ki ankhun
me doob jate ho?

me ne kaha ab kisi ankh mein
wo gehray nehi,

Us ne kaha kyoun itna tut kur
chaha mujhko?

me ne kaha insaan ho pathar to nehi,

Us ne kaha kya me bewafaa hu?

Me ne kaha ab mujhe wafaa ki
talaash nehi,

Us ne kaha bhool jao mujhko

Me ne kaha tum haqeeqat ho
koi khwaab nehi..

Kuch Bay Jaan Umeedain Hain Zinda!

Kuch Bay Jaan Umeedain Hain Zinda!
Kuch Hasratain Hain Baqi!
Toota Tu Buhat Kuch Hai Mujh Main!
Haan Per Kuch Sambhalna Hai Baqi!

Nahi Janti Main Kya Anjaam Hai!
Haan Per Aik Aas Hai Baqi!
Thak Chuki Hain Ankhain Meri!
Koi Sapna Jalana Hai Baqi!

Haar Chuki Hon Sab Kuch Shayad!
Haan Per Kuch Paana Hai Baqi!
Who Mil Jaye Tu Her Jeet Hai Meri!
Haan Per Yeh Moujza Hai Baqi!

Kash Who Eik Baar Lout Aay!
Shayad ab Who Waqt Nahi Baqi!
Eik Tooti Hoi Umeed Hai Dil Ko
Haan Per Kuch Hosla Hai BaQi…!

Kathan hay zindagi kitni

Kathan hay zindagi kitni
Safar dushwaar kitna hay
Kabhi paaoo'n nahee'n chaltay
Kabhi rasta nahee'n milta
Hamaara saath day paaey
Koi aisa nahee'n milta
Ager mai'n yoon guzaaro'n to
Yeh shab-o-roz nahee'n kat'tay
Mager aey mairay maalik
Mujhay shikwah nahee'n tujh say
Mai'n jaa'n pay khail sakta hoo'n
Mai'n per dukh jhail sakta hoo'n
Ager tu aaj hi ker day
Mohabbat hum-safar mairi

pahale haq thaa terii chaahat ke chaman par meraa

pahale haq thaa terii chaahat ke chaman par meraa
pahale haq thaa terii Khushbuu-e-badan par meraa
ab meraa pyaar tere pyaar kaa haq_daar nahii
main tere gesuu-o-ruKhsaar kaa haq_daar nahii
ab kisii aur ke shaano.n pe hai teraa aa.Nchal

apanii taqdiir banaa meraa muqaddar na badal

tuu kisii aur kii jaagiir hai ai jaan-e-Gazal
log tuufaan uThaa dainge mere saath na chal

pahale haq thaa terii chaahat ke chaman par meraa
pahale haq thaa terii Khushbuu-e-badan par meraa
ab meraa pyaar tere pyaar kaa haq_daar nahii
main tere gesuu-o-ruKhsaar kaa haq_daar nahii
ab kisii aur ke shaano.n pe hai teraa aa.Nchal

main tere pyaar se ghar apanaa basaa_uu.N kaise
main terii maa.Ng sitaaro.n se sajaa_uu.N kaise
merii qismat main nahii pyaar kii Khushbuu shaayad
mere haatho.n kii lakiiro.n main nahii tuu shaayad
apanii taqdiir banaa meraa muqaddar na badal

mujh se kahatii hain ye Khaamosh nigaahe.n terii
merii paravaaz se uu.Nchii hain panaahe.n terii
aur Gairat-e-ehasaas pe sharmindaa huu.N
ab kisii aur kii baaho.n main hain baahe.n terii
ab kahaa.N meraa Thikaanaa hai kahaa.N teraa mahal

apanii taqdiir banaa meraa muqaddar na badal