sar-e-rah usy mila nahin

sar-e-rah us sy mila nahin, kabi us k ghar gaya nahin,
mein saddion sy usi ka hoon usy aaj tak ye pata nahin,

ye Khudda ki dain bhi ajeeb hai, keh isi ka naam naseeb hai,
jisy tu ny chaha wo mil gaya, jisy mein ny chaha wo mila nahin,

tujhy paak nazaron sy choomna, meri ibaadaton mein shumar hai,
koi phool lakh qareeb ho, mein ny usy kabhi chowa nahin....

tum jo hotay to mujhy kitna sahara hota

tum jo hotay to mujhay kitna sahara hota
mein ny oron ko na dukh mein pukara hota,

jitni shiddat sy mein wabasta tha tujh sy
kis trah teray bin mera guzara hota,

ham beth k khamoshi sy roye jatay
sham hoti, kisi darya ka kinara hota,

mujh ko ye soch he kafi hai jalnay k liay
mein na hota, to koi aur tumhara hota..

byhiss hein yahan log, bhala soch k karna

byhiss hein yahan log, bhala soch k karna..
es dour mein logon sy wafa soch k karna..

ik baar jo roothay to mana tum na pao gay
ham jaisy wafa daron ko khafa soch k karna...

kuch es trah sy nazar andaaz ho gaye ham Faraz...

kuch es trah sy nazar andaaz ho gaye ham Faraz...

jaisy izaafi harf thay ham us ki zindagi ki kitaab mein!!

Ye ham tasleem kartay hein..

Ye ham tasleem kartay hein..
tumhein fursat nahin milti...
magar...
O hamarai soch k mehwar...
kbi ye bhi to zara socho...
k...
tumhein ham yaad kartay hein..
.
to khud ko bhool jatay hein.!!

Es sy pehly k mohabat mein khasara ho jaye

Es sy pehly k mohabat mein khasara ho jaye
aao mil behthain k ye waqt hamara ho jaye

ham ny kal raat Khudda sy ye dua ki ha Faraz,
tum jis shaks ko chaho wo tumhara ho jaye...!!!!

Suno!!!

Suno!!!

Mujhy dukh es baat ka nahin,
Keh meri zaat ko muntashir karny walay,
haath teray thay....

Mujhy afsos to es baat ka hai
keh meri raiza raiza zaat ko samaiteny walay...
haath,

Teray nahin thay....!!!

Meray shikwon pe us ny hans k kaha...

Meray shikwon pe us ny hans k kaha...
"Kis ny ki thi wafa, jo ham kartay...!!!"

woh es kamaal sy khayla tha ishq ki bazi..

woh es kamaal sy khayla tha ishq ki bazi..
mein apni fateh samajhta raha maat honay tak

Aye kahin sy mujhay jaan sy guzarta dekhay...

aye kahin sy mujhay jaan sy guzarta dekhay...
us ki khahish thi, mujy bikharta dekay..

Wafa mein Aab yeh hunar Ikhtiyaar karna hai..

Wafa mein Aab yeh hunar Ikhtiyaar karna hai..
Woh sach kahay na kahay aaitbaar karna hai..

Yeah tujh ko jaagtay rehnay ka shouq kab say howa ?
Mujhay to khair taira intazaaar karna hai

Hawa ki zad mein jalanay hain ansoon kay chiraagh
Kabhi yeh jashan sar-e- rah'guzaar karna hai

woh muskura kay naye waswason mein daal gaya
Khayaal tha keh ussay sharamsaar karna hai

Misal-e-shaakh-e-barhana khizan ki rut mein kabhi
Khud apnay jism ko bay barg-o-baar karna hai

tairay firaaq mein din kiss tarah kattain apnay
Keh shughal-e-shab to sitaray shumaar karna hai

Chaloo yeh ashak he moti samajh kay baich ayain
Kissi tarah to humain roz'gaar karna hai

Kabhi to dil mein chupay zakham bhi numayaan hon
Qaba samajh kay badan taar taar karna hai

Kia khabar yeh koi zid keh shouq hai "Mohsin"
Khud Apni jaan kay dushman say payaar karna hai....

Kaha us ny, batao ye qayamat kia hai?

Kaha us ny, batao ye qayamat kia hai?

Maine ghabra ke kaha rooth jana tera....

"Maut kehte hai kise", jab mujh sy pocha,

Maine ankhe jhuka kar kaha "chorr jana tera..."

Tu Jo Rooti meri palkon pay nami reh jaye g

Tu Jo Rooti meri palkon pay nami reh jaye g
Zindagi bas naam he ki zindagi reh jaye g

Tark-e-Ulfaat k Iraday par zara phir sochiye
Main chala jaaon ga aur tu dekhti reh jaye g

Ye nahi Kehtay k Tujh bin Jee nahi paein gay hum
Haan humari Zindagi mein ik Kami reh jaye g

Piyar k sadqay ye lagta hai hamare Darmiyaan
Aur kuch na bhi Raha ye Dosti Reh jaye g

Main To Tae kar k Chala jaon ga duniya ka Safar
Mere baray mein ye Dunia Sochti reh jaye g

Zaat se Bar kar hai apni mujh ko apna piyara Fun
Main Agar na bhi Raha Ye Shairi Reh jaye g

Raaz-e-ulfat chhupaa k dekh liya

Raaz-e-ulfat chhupaa k dekh liya
dil bohot kuch jala k dekh liya

woh mery ho k bhi mery na huey
un ko apana bana k dekh liya

aur kia dekhany ko baaqi hai
aap say dil lagaa k dekh liya

"Faiz", taqameel-e-Gham bhi ho na saki
ishk ko aazmaa k dekh liya . . . .

Aab Kay Yoon Dil Ko Saza Di Hum Nay

Aab Kay Yoon Dil Ko Saza Di Hum Nay

Us Ki Her Baat Bhula Di Hum Nay

Eik , Eik Phool Bohat Yaad Aaya

Shakh-E-Gul Jab Woh Jala Di Hum Nay

Aaj Tak Jis Pay Woh Shermatay Hain

Baat Woh Kab Ki Bhula Di Hum Nay

Sheher-E-Jahan Rakh Say Abad Hua

Aag Jab Dil Ki Bujha Di Hum Nay

Aaj Phir Yaad Bohat Aaya Woh

Aaj Phir Us Ko Dua Di Hum Nay

Koi To Baat Hia Us Main Faiz

Her Khushi Jis Pay Luta Di Hum Nay!!

Kahan aakey Ruknay thaay Rastey,Kahan Morr thaa usey Bhool Ja

Kahan aakey Ruknay thaay Rastey,Kahan Morr thaa usey Bhool Ja
Vo jo Mil Gaya usey Yaad rakh,Jo nahin mila ,Usey Bhool Ja

Vo Teray Naseeb ki Baarishein kisi Aur chatt pay baras gaein
Dil-e-Bekhabar meri baat Suun,Usey bhool ja ,Usey bhool ja

Mein tou Guum thaa teray he Dihan mein,Teri Aas Teray Guman mein
Saba keh gaye hai Meray Kaan mein,Meray Pass aa usey bhool ja

Kisi aankh mein nahin Ashke gham,Teray baad bhi nahin hai Kamm
Tujhay Zindagi nay Bhula Diya,Tu muskura Usey bhool ja

Na Vo Aankh he teri aankh thee,Na Vo khwab he tera khwab thaa
Dil Muntazir hai tu kis liye Tera jaagna ,Usey bhool ja

Ye Jo Raat Din ka hai Khail sa,Usey daikh kay Uus pay yakeen na ker
Nahin Aks koi bhi Mustakil Sarr-e-Aaena usey bhool ja

Vo Jo Bisat-e-Jaan he ulat gaya ,Vo jo raastey say Palat Gaya
Usey rokney say husuul kiya ,Usey matt Bhula usey Bhool ja

yahi bahut hai ke dil us ko Dhoondh laya hai

yahi bahut hai ke dil us ko Dhoondh laya hai
kisi ke saath sahi vo nazar tu aya hai

karoon shikayatien takta rahoon ke pyar karoon
gaye bahar ki soorrat vo laut aya hai

woh samney tha magar ye yaqeen na ata tha
woh app hai ke meri Khahishoon ka saya hai

azab hein ke kaisey hein barishein kya hein
faseel-jism giri jub tu hosh aya hai

main kya karoon gan agar woh na mil saka 'Amjad'
abhi abhi mere dil mein Khayal aya hai

zalim tha wo aur zulm ki adat be bahot thi

zalim tha wo aur zulm ki adat be bahot thi
majboor the hum us se mohabat be bahot thi

us buut ke sitam seh ke dikha hi diya hum ne
go apni tabiyat mein bagawat bi bahot thi

wakif hi na tha ramz-e-mohabat se wo warna
dil ke liye thori se enayat be bahot thi

yoon hi nhin mash-hoor-e-zamana mera qatil
us shaks ko iss fun mein maharat bi bahot thi

kya daur-e-gazal tha ke lahoo dil mein bahot tha
aur dil ko lahoo karney ki fursat be bahot thi

har shaam suntatey the hasinoon ko gazal hum
jab maal bahot tha aur sakhawat be bahot thi

bolawa ke hum hum aziz ko pashemaan bi bahot hein
kya kijiye kambakht ke shohrat be bahot thi!!

Aankho mein aansoo aye na hote

Aankho mein aansoo aye na hote

Agar wo peeche se muskuraye na hote

Un k jaane k baad ye gham hota hai keh

Kash wo zindagi mein aye na hote!!!!!!

bana bana ke tamana mitayi jati hai

bana bana ke tamana mitayi jati hai
tarah tarah se wafa azmayi jati hai

jub un ko meri mohabat ka aetbaar nhin
toh jhooka jhooka ke nazar kyun milayi jati hai

humare dil ka pata wo humein nhin detey
humari cheez hum hi se chupayi jati hai

shakeel doori_e_manzil se naumeed na ho
manzil ab aa hi jati hai ab aa hi jati hai!

bay nishan manzalon k safar

bay nishan manzalon k safar
kabhi niklo to jano gay
k
hum jaisay musafir
kion
ghar ka rasta
bhool jatay hian

jhoota sa lagta hai!!!!

MUJAHY fursat hi fursat hai...

sawery jald uthna hia...

na shub ko dair say sona...

kahin bahir nahin jana..

kisi say bhi nahin milna

na koi fikr baki hai

na koi yad baki hai

magar yah akhri misrah.............!


zara jhoota sa lagta ha

shab-e-tanhai usay kahna

shab-e-tanhai usay kahna
k raat ka pichla pahar hai
or hum jagtay hian
hamari ankhon say neend koson door hai
abhi tak us k naghme gungunatay hain
shab-e-tanhai usay kahna
hum ab bhi BA WUZU ho
us ka nam laity hain
usy kahna yah apna naksh dho jay
yah phir say mera ho jay

Wo mera tha yeh batana ajeeb lagta hai

Wo mera tha yeh batana ajeeb lagta hai

Ab us see ankh milana ajeeb lagta hai

Jo zindgi main mera ho nai saqa

Uss ka khawab main ana ajeeb lagta hai

Bare khulos se dawat to us ne bheji par

Uss ke mehfil main jana ajeeb lagta hai

Tha jis ka hath humesha mere haathon main

Ab uss see hath milana ajeeb lagta hai

Esa Bhi Nahi K Mujhko Muhabbat Nahi Mili

Esa Bhi Nahi K Mujhko Muhabbat Nahi Mili
Jesi Me Chahti The Wo Qurbat nahi Mili

Milne Ko To Zindagi Bht Qareebi Rishton Se Mili
Per Jesa Mene Chaha Wesi CHahat NAhi Mili

Socha Bhi nahi Tha K Esa Bhi Hojaye Ga
Rukhsat Hua Ese K Rokney Ki Mohlat Bhi Nahi Mili

Apni Tamam tar Wafain Us Se Mansookh Karden
Bawajuud Is K Bhi Hamen Rafaqat Nahi Mili

Bad Is K Zindagi Me Kayee Humsafar Mile
Ilawa Is K Kisi Se Tabyat Nahi Mili

Dunya K Hajjum Me dhundtey rahe WO CHehra
Magar Kahen Suurat Nahi Mili To Kaheen Seerat Nahi Mili

TUM KHETE HO MUJHAY

TUM KHETE HO MUJHAY

TUM khete ho mujhay
Phoolon say pyaar hai.....
Magar jub phool khiltay hain
to Unhain tahin say tor date ho....?

TUM khete ho mujhay
baarishon se pyaar hai....
Magar jub baarish hoti hai
to chuppte phirte ho ......?

Tum khete ho mujhay
howaoon se pyaar hai....
Magar jub hawa chalti hai
to khirkiyan band kar lete ho...?

PHIR US WAQT...
Main khof zada ho jata hoon
jub tum mujhe say khete ho
TUM SE PYAR hai........

Dukh tujhey ho ga k mein bey hiss hoon pathar ki tarah

Dukh tujhey ho ga k mein bey hiss hoon pathar ki tarah
meri tanhaie mein shamil apni tanhaie na kar!

dekh khushbu ki tarah udtey hain shehar mein qissey
ajnabi logon se zikar mehfal araie na kar.....

Main ne iss taur se chaha hai tujhe akser janaa

Main ne iss taur se chaha hai tujhe akser janaa
Jaise mehtaab ko be-ant samander chahe
Jaise sooraj ki kiran seep ke dil main utre
Jaise khushboo kpo hawa rang se hat ker chahe

Jaise patther k kalaije se kiran phoot-ti hai
Jaise ghunche khile msam se hina maangte hain
Jaise khwabon main khayalon ki kamaan toot-ti hai
Jaise barish ki duaa aabla pa maangte hain

Mera her khwab mere sach ki gawahi de ga
Wusaat-e-deed ne tujh se teri khwahish ki hai
Meri sochon main kabhi dekh sarapa apna
Main ne dunya se alag teri parastish ki hai

Khwahish-e-deed ka mosam kabhi dhundla jo huwa
Noch daali hain zamanon ki naqabain main ne
Teri palkon pe uterti huee subhon ke liye
Torr daali hain sitaron ki tanabain main ne

Main ne chaha k tere husn ki gulnaar fiza
Meri ghazlon ki qataron se dehekti jye
Main ne chaha ke mere dil ke gulistan ki bahaar
Teri aankhon ke gulaabon se mehekti jye

Tai to ye tha ke sajata rahay lafzon ke kanwal
Mere khamosh khayalon main takallum tera
Raqs kerta rahay , phirta rahay khushboo ka khumaar
Meri khwahish ke jazeeron main tabassum tera

Mujh se maange gaa tere ehed-e-mohabbat ka hisaab
Tere hijraan ka dehekta huwa mehshar janaa
Youn mere dil ke barabar tera ghum aaya hai
Jaisay sheeshay ko muqabil koi patthar janaa

Jaise mehtaab ko be-ant samander chahe
Main ne iss taur se chaha hai tujhe aksar janaa

Ab kia kahain ab kia sunain,

Ab kia kahain ab kia sunain,
Keh sar'e faseel'e sukoot'e jaan,
Kaf'e roz-o-shab peh sharar numa,
Woh joh jaan-ba-lab chiraagh tha,
Usay kis hawa nay bujha dia.
Kabhi lab hilain gay to poochna,
Sar'e shehr'e ehd'e wisaal'e dil,
Woh jo nikhaton ka hujoom tha,
Usay dast'e mauj'e firaaq nay,
Tahay khaak kab mila dia.
Ab kia kahain ab kia sunain.
Yonhi khuahishon kay fishaar main,
Kabhi bay sabab kabhi bay khabar,
Kahan kaun kis say bichar gaya,
Kisay kis nay ganwa dia.
Kabhi gul khilain gay to poochna.
Kabhi phir milain gay to poochna.

mujh say milta tha tu karta tha wo bojhal baatain

mujh say milta tha tu karta tha wo bojhal baatain
us ki aankhon main likhi hoti thee jal thal baatain

kitnay asraar thay pinhaan uski zaat main
us ki khamoshi samundar thi aur saahil baatain

uski aankhon main tha junoon aur chahray pe sakoon
kitna deewana tha wo shakhs aur pagal baatain

mari tanhaai ka jungle bhi mehak uthta hai
yaad aati hain jab bhi wo sandal baatain

meri hasti ko chupa lati thi jo saaye main
dhoop mausam main wo ker jaata tha badal baatain

log lafzon say bhi mar jaatay hain ehsaas kero
rooh ko dass lati hain aksar yahaan qaatil baatain

bheegti aankhon main khushbu samait rakhta tha
jheel aankhon main likhi hoti thee kanwal baatain