pyaas vo dil kii bujhaane kabhi aya bhi nahin
kaisaa baadal hai jisaka koi saya bhi nahin
by-ruKhi es se bari aur bhala kia hogi
ek muddat se hamein us ne sataya bhi nahin
roz ata hai dar-e-dil pe vo dastak dene
aaj tak hamane jise paas bulayaa bhi nahin
sun liya kaise Khuda jane zamane bhar ne
vo fasana jo kabhi ham ne sunayaa bhi nahin
tum to shair ho ‘Qateel’ aur vo ik aam sa shaKhs
us ne chaha bhi tujhe aur jatayaa bhi nahin...
Subscribe to:
Post Comments (Atom)
No comments:
Post a Comment